Kryeministri i Neë South Uellsit ka hedhur poshtë kritikat për reagimin e policisë ndaj sulmit në një festival hebre në Bondi Beach, duke thënë se oficerët vepruan me "trimëri dhe integritet". Disa dëshmitarë sugjeruan se policia ishte shumë e ngadaltë në çarmatosjen e dy personave të armatosur, të cilët vranë 15 njerëz dhe plagosën dhjetëra të tjerë në plazhin më të famshëm të Australisë të dielën. "Ka dy oficerë në kujdes intensiv për momentin," tha Chris Minns pas pyetjeve të shumta nga gazetarët. "Ata nuk u qëlluan pas shpine ndërsa po iknin. Ata u qëlluan në ballë". Personat e armatosur nisën një seri të shtënash që zgjati rreth dhjetë minuta para se policia të qëllonte të dy burrat, duke vrarë njërin dhe duke plagosur rëndë tjetrin. Zyrtarët australianë konfirmuan se të dy autorët, baba e bir, kishin udhëtuar për në Filipine para sulmit dhe qëllimi i udhëtimit është nën hetim.