Ka qenë një incident me makinë ai që i ka mundësuar policisë goditjen e një rrjeti trafiku droge në Vercelli, në itali. Gjyshja, nëna dhe vajza tre vjecare, përfunduan në një kanal pasi tentuan ti largoheshin një postoblloku policie në rrugë. Nga hetimet e kryera menjëherë pas aksidentit, rezultoi se bëhej fjalë për shpërndarje droge, të kryer nga ‘zotërit e drogës’ sic e quanin veten anëtarët e grupit kriminal që udhëtonin dhe paraqiteshin në takime në praninë e fëmijëve, në mënyrë që të kalonin pa rënë në sy. Aksidenti i mundësoi policisë të lëshonte 12 fletë arreste, mes të cilëve më flagranti ishte ai për gjyshen 50 vjecare. Nëna dhe vajza ndërkohë u lanë të lira. Qendra e trafikut të drogës ishte në një bar në Verceli, menaxhuar nga një ish i dënuar dhe trafiku zhvillohej mes provincës dhe qyteteve të Novarës dhe Pavias. Xhiroja e rrjetit shkonte deri në 250 mijë euro, të mbledhura për gjashtë muaj trafik kokaine dhe hashashi. Pamjet: AFP