Shërbimi për Çështjet e Brendshme dhe Ankesave, ka arrestuar oficerin e policisë, Thoma Zisi 29-vjeç. Oficeri i policisë është pjesë e njësisë “OFL”, Operacioni Forca e Ligjit akuzohet për një shkelje që ka bërë në një detyre të mëparshme që ka pasur. 29-vjeçari ishte proceduar penalisht gjatë operacionit “Pyjet e Dibrës” dhe Gjykata e rrethit Dibër ka caktuar për të “Arrest me burg”. Ai akuzohet se ka konsumuar veprën penale të shpërdorimit të detyrës dhe është arrestuar për shkeljen që ka bërë gjatë kohës kur punonte si oficer i Krimeve në Policinë e Mirditës. Sipas informacioneve të Top News procedimi penal ndaj Zisit ka nisur për akuzat për “Prerje e paligjshme pyjesh”, për “Shpërdorim detyre e korrupsion” pasi dyshohet se ka lejuar prerjen e pyejeve për trarë për një minierë në zonën që ka mbuluar. Gjithashtu është shpallur në kërkim edhe një shtetas tjetër nga Fushë-Bulqiza, i cili akuzohet për “Falsifikim Dokumetash” dhe “Prerje e paligjshme pyjesh”.