Për të parën herë, Astronomët kanë zbuluar një disk përreth një planeti të ngjashëm me Jupiterin, jashtë sistemit tonë diellor, një lloj disku ku hënat mund të krijohen. Disku, u zbulua përreth një exoplaneti të njohur si PDS 70c. Ai është një nga dy planetët gjigandë të ngjashëm me Jupiterin që rrotullohen në orbitë rreth një ylli që ndodhet 400 vite dritë larg tokës. Një grup astronomësh ndërkombëtar e zbuloi diskun ndërsa po vëzhgonin sistemin planetar me teleskopët gjigandë Alma në Kili. Diametri i diskut është i madh mjaftueshëm sa të mbulojë distancën nga toka në diell dhe përmban masë të mjaftueshme për të formuar deri në tre satelitë të përmasave të hënës sonë. Disku është 500 herë më i madh se unazat masive përreth saturnit. Kërkuesit mendonin se një disk që mund të formojë hëna, mund të ekzistonte përreth këtij exoplaneti bazuar në zbulime të mëhershme por ishte e vështirë që ai të dallohej për shkak të ambjentit përreth. Por tani kërkuesit e kanë konfirmuar praninë e tij përmes imazheve të qarta.