350 mijë nxënës janë rikthyer në bandat e shkollës për vitin e ri arsimor 2024-2025, ndërsa 28 mijë prej tyre e kalojnë për herë të parë pragun e shkollës. Edhe këtë sezon mësimor rënia e numrit të nxënësve në të gjithë Shqipërinë ka vazhduar. 1 mijë të vegjël më pak janë regjistruar në klasat e para, ndërkohë që raportohet mbyllja e shkollave në zonat rurale të disa qyteteve. Në Shkodër 450 nxënës janë regjistruar më pak se vitin e kaluar, ndërsa drejtuesit e arsimit kanë bërë me dije se procesi i regjistrimit vazhdon edhe në ditet në vazhdim. Sipas të dhënave në 19 shkolla në Shkodër dhe në 3 në Malësi të Madhe, këtë vit nuk asnjë nxënës në klasat e para, ndërsa 6 shkolla do të mbyllen, duke transferuar nxënësit në shkolla të tjera. Në Fier, sipas të dhënave zyrtare, 680 nxënës janë rregjistruar në klasën e parë, ndërsa raportohet se në këtë qark asnjë shkollë nuk është mbyllur për shkak të mungesave në nxënës. Ndërkohë, tetë shkolla janë aktualisht në proces rikonstruksioni.