Top News- Nis kontrolli për të ‘pasurit’ në Shqipëri/ Sipas ‘urdhrit’ të Fondit Monetar Ndërkombëtar

Ministria e Financave ka nisur punën për të kontrolluar të pasurit. Pas konsultimit publik në fund të vitit që kaloi, kjo ministry ka nisur tashmë zbatimin në bashkëpunim me institucione të tjera të aksionit për kontrollin e “të pasurve” në vend, duke bërë një rakordim midis asaj që deklarojnë dhe aseteve reale që disponojnë apo stilit të jetës. Ky paralajmërim është bërë një vit më parë nga Ministrja e Financave në nisje të aksionit antiinformalitet dhe do të vihet në jetë këtë vit. Referuar draftit të reformave ekonomike 2023-2025, thuhet se ndër aktivitetet e planifikuara gjatë 2023-shit kundër informalitetit, do të jetë zbatimi i një programi përmbushjeje për individët më të pasur.