Siria ka filluar evakuimin e banorëve të mbetur të kampit Al-Hol, vendi ku strehoheshin të afërm të luftëtarëve të dyshuar nga i ashtuquajturi grup i Shtetit Islamik (IS). Autoritetet po lëvizin për të pastruar objektin që më parë kontrollohej nga kurdët, sipas zyrtarëve. Al-Hol, i cili ndodhet në një rajon shkretëtirë të provincës verilindore Hasakeh, ka qenë kampi më i madh i Sirisë që strehonte anëtarë të familjeve të militantëve të dyshuar të ISIS. Forcat qeveritare e pushtuan kampin që mbahej nga Forcat Demokratike Siriane (SDF) të udhëhequra nga kurdët muajin e kaluar pasi Damasku zgjeroi kontrollin e tij në të gjithë verilindjen e Sirisë. Që atëherë, mijëra të afërm të xhihadistëve të huaj janë larguar nga kampi për në destinacione të panjohura. Objekti strehonte rreth 24 000 njerëz, kryesisht sirianë, por edhe irakienë dhe më shumë se 6 000 të huaj të tjerë nga rreth 40 kombësi të ndryshme. Në kamp kanë qenë të strehuar edhe shumë shqiptarë, kryesisht gra dhe fëmijë. E fundit që u riatdhesua nga ky kam ishte Eva Dumani.