Një nga nipërit e lordit kolumbian të drogës Pablo Escobar pretendon se ka gjetur 18 milionë dollarë para të thata të fshehura brenda një muri në shtëpitë e xhaxhait të tij. Nicolas Escobar pretendon se pati një "vizion" falë të cilit arriti ta mësonte saktësisht se ku t`I kërkonte paratë brenda apartamentit në Medellin, në të cilin duket se jeton aktualisht. Nicolas tha për mediat kolumbiane se nuk ështe hera e parë që ai gjen para në vendet e fshehta të xhaxhait të tij, ku ai i grumbulloi të hollat ndërkohë që përpiqej të shmangte arrestimin. Nipi ka zbuluar deri tani një stilolaps prej ari, telefona satelitorë, e një makinë shkrimi të ungjit. “ Sa herë që ulesha në dhomën e ngrënies dhe shikoja drejt parkingut, shihja një burrë që hynte aty dhe zhdukje”, është shprehur ai I cituar nga the Independent. Nicolas shprehet se kësisoj ja në gjurmët e parave, por thotë se disa prej kartëmonedhave janë të dëmtuara dhe të papërdorshme. Escobar kaloi dekada të tëra duke luftuar më qeverinë kolumbiane për të shmangur ekstradimin në SHBA dhe u vra në një shkëmbim zjarri me policinë në 1993. I ashtëquajturi “Mbreti I Kokainës”, ka qenë për shtat vjet nga 1987-ta deri në 1993-shin në listën e më të pasurve të botës.