Ambasadorja e SHBA Yuri Kim e ka rikthyer sërish vëmendjen nga Gjykata Kushtetuese, për ngritjen e së cilës thotë se është pozitiv fakti që po bëhet progress. Përmes një reagimi në rrjetet sociale, Yuri Kim bën thirrje që intitucionet e drejtësisë, presidenca dhe parlamenti të punojnë me urgjencë. Duke risjellë në vëmendje një postim të saj me 19 nëntor, pasi Presidenca dhe Parlamenti publikuan listat e tyre përkatëse të kandidatëve për anëtarë të Gjykatës Kushtetuese, Yuri Kim shkruan në tëitter se “do të ishte mirë që Gjykata Kushtetuese të ngrihej deri në fund të këtij viti.” Ambasadorja ka falënderuar edhe KED për sigurimin e kandidatëve të kualifikuar. "Është mirë të shoh progresin drejt funksionimit të Gjykatës Kushtetuese deri në fund të këtij viti. 6 javë të mbetura, Presidenca, Parlamenti dhe institucionet e drejtësisë duhet të vazhdojnë të punojnë me urgjencë. Faleminderit KED për sigurimin e kandidatëve të kualifikuar. Udhëheqësit duhet të përmbushin premtimin e Shqipërisë për drejtësi!”, shkruan Kim.