Kompani amerikane Continental Strategy ka kërkuar heqjen e non gratës për ish kryeministrin Sali Berisha. Në raportin e dorëzuar në Departamentin e Drejtësisë në SHBA, kompania ka renditur arsyet se përse sipas saj Berishë i duhet hequr statusi ‘non grata’. Sipas kompanisë shpallja non grata ishte e motivuar politikisht dhe i mungonte baza faktike. Ky vendim vazhdon kompania, ka sjellë dëmtim të interesave të SHBA, si dhe tërheqja e tij do të rivendoste neutralitetin e politikës. Po ashtu në kërkesë nënvizohet se Berisha dhe qëndrimet e tij përputhen me ato të shpallura nga Sekretari i Shtetit Marco Rubio dhe vetë reformat e administratës Trump. Kompania sjell në vëmendje edhe marrëdhëniet historike të Berishës me SHBA. Në raportin në fjalë, në bazë të të cilit kërkohet heqja e non gratës, ndër të tjera akuzohet edhe Soros, si një prej ndikuesve në shpalljen e këtij vendimi nga administrata e mëparshme. Raporti i ka kushtuar rëndësi edhe zgjedhjeve, për çka thotë se kjo masë e SHBA ka ndikuar në rezultatin e zgjedhjeve. Sipas raportit, vëzhguesit ndërkombëtar konstatuan një sërë shkeljesh seriozes, si kërcënime e presion, bashkimin e partisë me shtetin, ndikimin e krimit në zgjedhje si dhe kontroll të medieve. Për këtë thuhet në kërkesë: Sekretari i Shtetit duhet të heqë menjëherë përcaktimin 7031(c) të Sali Berishës bazuar në: 1. Mungesë të bazës faktike: Përcaktimi ishte i motivuar politikisht pa prova të konsiderueshme 2. Rrethana të ndryshuara: Përkeqësimi demokratik i Shqipërisë nën udhëheqjen aktuale tregon efektet kundërproduktive të përcaktimit. 3. Interes kombëtar bindës: Rivendosja e besueshmërisë dhe neutralitetit të SHBA-së në politikën shqiptare i shërben interesave strategjike 4. Konsistencë me parimet e politikave: Përputhet me kundërshtimin e deklaruar të Sekretarit Rubio ndaj sanksioneve të politizuara 5. Axhenda e reformës së administratës Trump: Mbështet përpjekjet për të përmbysur armatosjen e institucioneve qeveritare 6. Prishja e bashkëpunimit Departamentin e Shtetit-OJQ: Demonstron angazhim për hartimin e politikave objektive, të lira nga ndikimi progresiv i rrjetit të avokimit.