Në Bulqizë vijon të jetë e rënduar në rrugë për shkak të reshjeve të dendura të borës që kanë vijuar me intesitet te larte dhe me erë të fortë gjatë natës. Borës i janë shtuar dhe ngricat e për pasojë mëngjesin e së premtes situata në rrugë ka qenë tejet e vështirë për qarkullimin e mjeteve, ku më problematike kanë qenë akset nacionale Bulqize-Peshkopi dhe Bulqize-Kraste. Po ashtu në aksin Qafe e Buallit deri në qendër të Krastës në shumë segmente qakullohet me zinxhir si edhe në Qafe e Buallit-Zona D, lëvizet me shume vështirësi për shkak të ngricave. Si pasojë e akullit të krijuar disa makina kanë dalë nga rruga. Drejtues të automjeteve u shprehën se nuk është hedhur kripë dhe skorje në disa akse nga firmat e mirëmbatjes së rrugëve. Me zinxhir kalohet në të gjitha rruget ruale të njësive administrative të Bashkise Bulqizë, aktualisht trashësia e dëborës në qytet 5 centimetër ndërsa në zonat e thella deri në 25 centimeter.