Ish gjyqtarja e Krujës Enkelejda Hoxha është paraqitur në Komisionin e Posacëm të Apelimit, për të ankimuar vendimin e shkarkimit të saj nga detyra, vendim i cili u dha nga Këshilli I Lartë Gjyqësor. Hoxha u arrestua nga Prokuroria e Posacme e Korrupsionit dhe krimit të organizuar, pasi u akuzua për korrupsion. SPAK ka kërkuar që ish gjyqtarja të dënohet me 3 vite e gjysmë burg. Hoxha u arrestua më 11 shkurt të këtij viti për abuzim me detyrën, pasi ajo ka mundësuar liriimin nga burgu të shumë personave që kanë lidhje me botën e krimit. Përvec Hoxhës, bashkë me të u arrestan edhe 9 persona të tjerë në kuadër t një hetimi disa mujor nën udhëheqjen e SPAK. Në një foto të pubkikuar në media të ndryshme, ish-gjyqtarja Hoxha shihet e veshur me një xhaketë ngjyrë gri, e ulur me pranga në duar, teksa pranë saj qendron një punonjëse e policisë.