Policia e Vlorës njoftoi arrestimin e një 41-vjeçari, që siç thotë në deklaratën publike u kap në flagrancë me sasi droge të llojit kokainë dhe hashash. Policia thotë se ka ndërmarrë aksionin ndaj 41-vjeçarit me inicialet E.V. banues në Lushnje pas informacioneve të siguruara nga shërbimet e seksionit për hetimin e narkotikëve. Pas kësaj, Forca e Posaçme Shqiponja, organizuan dhe finalizuan arrestimin e tij. Gjatë kontrollit të ushtruar në automjetin tip “Hyundai”, që drejtohej nga 41-vjeçari, shërbimet e Policisë gjetën dhe sekuestruan, në cilësinë e provës materiale, një sasi lënde të dyshuar narkotike kokainë dhe një sasi lënde të dyshuar narkotike kanabis sativa, të ndara në 4 ambalazhime plastike. Pas marrjes në pyetje te 41 vjeçarit, materialet iu përcollën edhe prokurorisë së Vlorës.