Prokuroria e Posaçme ka dhënë detaje sa I takon zbërthimit të grupit kriminal që kërkuan të eleminonin ish-prokurorin e Durrësit, Arjan Ndoji, duke bërë me dije rolin e gjithë secilit prej 5 të arrestuarve dhe 4 të shpallurve në kërkim. Në këtë mënyrë, të dyshuar si organizatorë janë dy persona mjaft të njohur të botës së krimit, Plaurent Dervishaj dhe Julian Meçe. Dervishaj është kunati I Lulzim Berishës, ky I fundit I shpallur në kërkim ndërkombëtar për vrasje. Plaurent Dërvishaj e ka nisur karrierën në botën e krimit në vitet 2000 duke u bërë pjesë e Bandës së Durrësit, e më pas vendosi të krijojjë lidhje familjare me kreun e bandës Lulzim Berisha. Plaurent Dervishaj ndër të tjera dyshohet të jetë I përfshirë në vrasjet e bujshme të Klodian Saliut dhe Vajdin Lamajt, ndërsa arrestimi I tij në Dubai në vitin 2020 rezultoi I kotë, pasi u lirua më pas duke qenë se Shqipëria nuk ka marrëveshje ekstradimi me këtë shtet. Në vitin 2019, një atentat mafioz do të organizohej kundër Plaurent Dervishajt, Julian Meçes dhe Bashkim Haxhiajt, të cilët po lëviznin me Range Rover kur u qëlluan me breshëri kallashnikovi nga 2 qitës të cilët lëviznin me ndihmën e një shoferi me mjet tip BMW. Të tre personat në mjet I shpëtuan atentatit.