Sot shqiptarët u janë drejtuar kutive të votimit për të zgjedhur përfaqësuesit e tyre në parlament. Këto janë zgjedhjet e 10 parlamentare në vendin tonë në 30 vite të demokracisë. Siç dihet tashmë zgjedhjet e para pluraliste pas viteve të diktaturës u mbajtën në 31 mars të vitit 1991 dekretuar nga presidenti komunist I kohës Ramiz Alia pas lejimit të pluralizimit. Ligji Për dispozitat kryesore kushtetuese , i miratuar në këtë vit solli ndryshime në kuadrin e organizimit demokratik të shtetit. Nga këto zgjedhje dolën 250 depuetetë dhe partia demokratike që kishte vetëm 3 muaj që u krijua arriti të kishte përfaqësuesit e saj në parlamëntin e ri shumëpartiak. Por vetëm një vit më para në 22 mars të vitit 1992 u mbajtën sërish zgjedhjet e përgjithshme dhe Partia Demokratike fitoi shumicën me 57% të votave ose 92 mandate deputetësh, partia soliciaste 38 mandate, 7 psd , 2 pbdnj dhe 1 republikanët. Këto zgjedhje shënuan edhe rrotacionin e parë demokratik të pushtetit, duke sjellë në qeverisje partinë e krijuar nga lëvizjet e dhjetorit 1990.