2025 do të jetë një vit i larjes së hesapeve mes kryeministrit izraelit Benjamin Netanyahu dhe armikut të përhershëm të vendit të tij, Iranit. Lideri izraelit është i vendosur të çimentojë qëllimet e tij strategjike: të forcojë kontrollin e tij ushtarak mbi Gazën, të pengojë ambiciet bërthamore të Iranit dhe të përfitojë nga shpërbërja e aleatëve të Teheranit, Hamasit në palestinë, Hezbollahut në Liban dhe rrëzimit të presidentit sirian Bashar al-Assad. Rënia e Asadit, eliminimi i liderëve të lartë të Hamasit dhe Hezbollahut dhe shkatërrimi i strukturës së tyre ushtarake shënojnë një sërë fitoresh monumentale për Netanyahun. Pa Sirinë, aleancat që Teherani ka ushqyer për dekada janë shpërbërë. Ndërsa ndikimi i Iranit dobësohet, Izraeli po shfaqet si fuqia dominuese në rajon. Netanyahu është gati të zerojë ambiciet bërthamore dhe programin raketor të Iranit, duke u fokusuar me vendosmëri për çmontimin dhe neutralizimin e këtyre kërcënimeve strategjike ndaj Izraelit.