Kur Volodymyr Zelensky u pyet nëse ishte i shqetësuar nga përpjekjet ruse për ta vrarë atë, ai u përgjigj se nuk e mendonte diçka të tillë. “Nëse do të mendoja vazhdimisht për këtë, thjesht do të izolohesha, si Putini, që tani që nuk largohet nga bunkeri i tij”, tha udhëheqësi ukrainas në një intervistë për CNN muajin e kaluar. “Sigurisht, truprojat e mia duhet të mendojnë se si të parandalojnë që kjo të ndodhë dhe kjo është detyra e tyre. Unë vetë nuk e mendoj fare këtë.” Por edhe pse Zelenski nuk do ta mendojë këtë, mundësia nuk mund të injorohet. Që në fillimin e luftës, Zelenski refuzoi ofertën e SHBA për ta nxjerrë atë nga Kievi: Unë kam nevojë për municione, jo për një xhiro...-tha ai. Nuk është aspak cudi ndërkohë që figura ruse kërkojnë që ai të vihet në shënjestër dhe vetë zelenski është i vetëdijshëm se ai është në krye të listës së zezë të rusisë. Disa javë pas pushtimit, një këshilltar i Zelenskyt, Mikhailo Podolyak, zbuloi se kishte pasur disa tentativa për ta vrarë atë nga ekipet ruse të sabotazhit dhe inteligjencës, duke përfshirë madje edhe çeçenë e mercenarë të Ëagnerit.