Ambasada gjermane në Shqipëri përmes një postimi në rrejtin social Facebook, ka dhënë një lajm shumë të mirë për shqiptarët. Për personat që dëshirojnë të aplikojnë për vende pune në Gjermani, ambasada bën me dije se duke filluar nga data 1 dhjetor, pra duke filluar nga e mërkura në orën 09:00 të mëngjesit deri më datë 17 dhjetor në orën 12:00 aplikimet për vende pune do të jenë të hapura, ku të gjithë personat që janë të interesuar do të mund të aplikojnë përmes sistemit online për të aplikuar për një vend pune. Në njoftimin zyrtar të ambasadës po ashtu bëhet me dije se procedurat e takimeve për të aplikuar për vize pune kanë ndryshuar. Për shkak të fluksit të lartë të aplikimeve, oraret do të caktohen përmes një procedure të përmuajshme me short. Po ashtu, mes të gjitha kërkesave të regjistruara përmes një shorti kompjuterik do të përzgjidhet, se kush do të marrë një orar aplikimi për periudhën janar deri fillim shkurti 2022.