Këshilli i Lartë Gjyqësor kualifikon Darjel Sinën si kandidat për anëtar të Gjykatës së Lartë. Me 5 vota pro dhe 4 kundër Këshilli ka pranuar këtë kandidaturë për të cilën pati shumë debate institucionale. 9 anëtarë votuan për Darjel Sinën teksa kanë munguar Fatmira Luli dhe Alban Toro që kanë dhënë dorëheqje më parë nga kjo çështje për shkak të konfliktit të interesit. Pas këtij vendimi KLGJ pritet të kryejë vlerësimin për këtë kandidat sipas pikëzimit të parashikuar për anëtarët e Gjykatës së Lartë. Komisionari Publik Dariel Sina u verifikua nga Këshilli i Lartë Gjyqësor si kandidat për të zëvendësuar ish-kreun e Gjykatës së Lartë, Xhezair Zaganjorin, të shkarkuar nga detyra, më 26 korrik 2019, nga Kolegji i Posacwm i Apelimit. Sina vjen si kandidat nga radhët e jo gjyqtarëve. Ai ishte i vetmi kandidat për vakancën e hapur. Presidenti Ilir Meta kërkoi informacione të detajuara në lidhje me procesin për emrin e Sinës, ndërkohë që vetë Komisioneri Sina ka dërguar një shkresë në KLGJ, përmes së cilës kërkon informacion nga ky institucion se përse nuk vijon procesi, pasi që në datën 11 shkurt ka përfunduar procedura e verifikimit dhe atij nuk i është vënë në dispozicion rezultati.