Viktor Çervanaku është ish-kreu i Komunës së Frakullës, në shtëpinë e të cilit u kapën 430 kg kokainë e përzier me pleh kimik, me vlerë rreth 40 milionë euro. Çervanaku aktualisht punon në Operatorin e Sistemit të Transmetimi të Tiranës, ndërkohë që së bashku me të në pranga e Policisë ranë djali i tij, Devilsoni dhe e fejuara e djalit, Enxhi Ferhati. Ish-kreu I Komunës ka pasur disa përballje me drejtësinë edhe më herët. Në vitin 2016 ai u kallzua penalisht për “ refuzim për deklarim pasurie”, por i shpëtoi ndjekës penale pas amnistisë të miratuar nga Parlamenti në fund te atij viti. Në vitin 2018 Çervanaku ra pre e një atentati nga një person i identifikuar si R.Kapaj, pasi Çervanaku kishte refuzuar t'i jepte një certifaktë pronësie. Dy vite më vonë ai do të përballej sërish me drejtësisë, teksa u ndalua nga Policia e Fierit pasi udhetonte me një Range Rover me targa greke, i cili ishte i trafikuar.