Si pasojë e acarit dhe reshjeve të dëborës, situata vijon të jetë problematike në akset rrugore në vend. Autoriteti Rrugor bën me dije se ka vështirësi në qarkullim, në segmentin Qafë Thanë-Dogana Qafë Thanë për shkak të mjeteve që kanë bllokuar rrugën. Ndërkohë, janë të kalueshme me zinxhirë akset: Kukës-Bushtricë, Bicaj-Bushtricë, Domaj-Daj Reç, Trebisht –Doganë, Ura e Cerenecit–Klenjë, Lunik–Fushë Studë, Rrugët e Dajtit, Krujë-Sarisalltik, Elbasan-Gjinar,Gramsh-Kodovjat, Mollë-Grabovë,Kryqëzim Zëmblak-Goricë Në rajonin Verior dhe Qendror reshjet kanë pushuar, ndërsa në rajonin Jugor kanë vijuar deri në orët e para të mëngjesit. Ku vecanerisht në segmentin Qafë Thanë-Dogana Qafë Thanë për shkak të mjeteve që kanë bllokuar rrugën, kalimi është me një korsi. Bëhet e ditur se vijon puna edhe brenda territorit të doganës edhe në tokën neutral për pastrimin dhe kthimin në normalitet. Kushtëzuar nga reshjet dhe temperaturat e ulëta qarkullohet, këshillohet të bëhet qarkullimi vetem me goma dimërore ose zinxhirë. Raportohet se kontraktorët janë në terren, për pastrimin e akseve dhe shpërndarjen e kripës.