Një shqiptar ka rënë në prangat e policisë greke, pasi kërkohej nga autoritetet shqiptare. Ermal Meko, 37 vjeç nga Berati u arrestua rastësisht, gjatë një patrullimi të policisë së Greqisë në Athinë. Fillimisht policia ka pikasur dy persona të cilët kanë shfaqur dyshime. Pasi i ka urdhëruar të ndalojnë, dy persnat kanë hedhur disa qese në tokë dhe kanë tentuar të arratisen, duke u larguar me vrap. Megjithatë njëri prej tyre është arrestuar dhe është shoqëruar në Komisariat. Shqiptari i arrestuar rezulton një i shumëkërkuar me tre akuza nga autoritetet shqiptare. Ndaj tij autoritetet dshqiptarë kanë lëshuar urdhër arrest për vrasje, grabitje dhe pjesëmarrje në organizatë kriminale. Gjatë kontrollit të qeseve, brenda tyre janë gjetur dhe sekuestruar 2 granata, 2 mekanizma ndezës, 1 kuti me rreth 50 fishekë. Sakaq vijojnë hetimet për identifikimin e të dyshuarit të dytë si dhe arsyeve pse mbanin municionin luftarak.