Norvegjezët kanë mbetur të tronditur nga një meteor i shndritshëm që ndricoi qiellin e natës në jug lindje të vendit. Pamjet tregonin shtëllungën verbuese të dritës mbi norvegji që pasoi atë që dëshmitarët e përshkruan si një gjëmim të fortë, të dielën. Policia norvegjeze tha se ata kishin marrë një mori telefonatash emergjence por nuk kishte raporte për të lënduar apo dëme. Një ekip ekspertësh po kërkon tani meteoritin që ata besojnë se ka rënë në një pyll afër kryeqytetit, Oslo.