Nga kjo e enjte, qytetarët shqiptarë do mund të udhëtojnë lirisht me certificate vaksinimi drejt Hungarisë. Ky është vendi i parë anëtar i Bashkimit Europian që njeh të gjitha vaksinat e kryera në Republikën Shqiptare duke bërë të mundur udhëtimin e shqiptarëve përtej kufirit. Kjo marrëveshje u arrit pas takimit zyrtar që delegacioni shqiptar I kryesuar nga kryeministri Rama zhvilloi me homologun Viktor Orbán. Ambasada Shqiptare në Hungari ka publikuar këtë vendim në faqen e saj zyrtare. Duke filluar nga data 10 qershor 2021, hyn në fuqi marrëveshja midis Republikës së Shqipërisë dhe Hungarisë për njohjen e ndërsjellë të çertifikatave të imunizimit. Si rezlutat i kësaj marrëveshjeje, qytetarët shqiptarë dhe hungarezë, të cilët zotërojnë një çertifikatë vaksinimi kundër Covid-19, mund të hyjnë në territoret e Shqipërisë dhe Hungarisë pa iu nënshtruar kufizimeve të shkaktuara nga pandemia.