1 shtatori do të sjellë ardhjen e kontingjentit të parë të refugjatëve në Gjadër. në katinerin e ndërtimit puna është duke vijuar pavarësisht temperaturave të larta. Më shumë se 3000 emigrantë dhe refugjatë do të trajtohen në këtë kamp ku do të transferohen nga Italia persona që kanë shpëtuar në zonën e ujërave ndërkombëtare në Mesdhe. Sipas DË ata do të ndalojnë fillimisht në një mini kamp në portin e Shëngjinit, që tashmë është gati, ku pasi t’u merren shënjat e gishtave dhe të dhënat e tjera d otë transferohen drejt Gjadrit. Sipas Ambasadës së Republikës së Italisë në Tiranë, vendimi se kush do të transferohet në këtë kamp do të merret në anijet e shpëtimit të emigrantëve. Kjo në varësi të vendit të origjinës dhe gjendjes shëndetësore të emigrantëve dhe refugjatëve. Ndërkohë organizatat për mbrojtjen e të drejtave të njeriut, si Amnesty International, kritikojnë se shumica e anijeve të shpëtimit të emigrantëve nuk janë të pajisura mjaftueshëm për të marrë vendime të tilla. Ata pretendojnë, për shembull, se nuk ka pajisje të përshtatshme mjekësore për ekzaminime më gjithëpërfshirëse të njerëzve. Përveç kësaj ata thonë se shumë prej migrantëve nuk kanë me vete dokumente personale, të cilat janë dhe vendimtare për çështjen e azilit. Po ashtu, ato thonë se edhe kontejnerët në Gjadër nuk janë të përshtatëshmë për qëndrim të gjatë. Sipas deutche Ëelle, njerëzit që do të përfundojnë në Gjadër me shumë mundësi nuk do të kenë asnjë shans për të marrë azil, madje shumë prej tyre nuk do të transferohen dhe në Itali.