7 maji ishte përcaktuar si afati i fundit për paraqitjen e kandidaturave për drejtimin e Partisë Demokratike. E ndërsa pritej që Berisha të ishte i vetmi kandidat pwr kryetar tw PD-sw, në fakt nuk ndodhi kështu. Ish kryetari i degës së PD-së Kukës Ibsen Elezi, i ka dërguar dokumentacionet përkatëse Komisionit të Organizimit dhe Kontrollit të Operacioneve Elektorale, ndërsa ka shprehur dëshirën të garojë përballë ish kryeministrit Sali Berisha për drejtimin e opozitës. Në fakt, kjo nuk është hera e parë që Elezi garon për kryesinë e Partisë Demokratike. Ai edhe më herët ka garuar për kryetar tw PD-së, më konkretisht në qershor të vitit 2021. Mirëpo, kandidatura e tij u skualifikua nga gara me vendim kryesie, pasi në atë kohë u tha se komentet e tij kanë dëmtuar Patinë Demokratike dhe se ai nuk bëri fushatë për të fituar votat e demokratëve.