Një ndotje e madhe është vërejtur pasditen kësaj të premteje në një pjese të rërës në plazhin e Kune Vain të Shëngjinit. Siç duket nga pamjet, një pjese e konsiderueshme është e mbuluar nga mbeturina të shumta, ku dominojnë ato plastike. Kjo zonë mbetet mjaft problematike dhe gjatë sezonit veror sidomos ku ka plazhe publike, pasi deti nxjerr mbeturina të shumta dhe nuk merren masa për pastrimin e tyre. Ende nuk është e qartë ardhja e tyre, pasi pak metra me tutje ndodhet dhe grykëderdhja e lumit Drin, çka mund të ketë sjellë dhe mbetjet.