Shtetet e Bashkuara së shpejti do t'i dërgojnë Ukrainës mina kundër këmbësorisë, ka konfirmuar një zyrtar amerikan. Zyrtari vuri në dukje funksionimin e minave, për të cilat tha se kërkojnë një bateri dhe nuk do të shpërthejnë pasi bateria të jetë shpenzuar pas një periudhe prej disa orësh deri në disa javë. Pas miratimit të lëvizjes së SHBA, për përdorimin e raketave amerikane ATACIMS, forcat ukrainase goditën të martën depot e municioneve në rajonin Bryansk të Rusisë, duke përdorur raketat me rreze të gjatë veprimi. Të dyja palët paraqitën të dhëna të ndryshme mbi rezultatet e sulmit. Ministria ruse e Mbrojtjes tha në një deklaratë se "forcat e armatosura të Ukrainës goditën një objekt në rajonin Bryansk" me gjashtë raketa ATACMS, por, sipas kësaj ministrie, forcat ruse rrëzuan pesë prej tyre dhe dëmtuan të gjashtën. Në deklaratë thuhet se rënia e pjesëve të raketave shkaktuan zjarr, por nuk pati viktima. Presidenti rus Vladimir Putin nënshkroi të martën një doktrinë të rishikuar bërthamore, duke deklaruar se në kryhet një sulm konvencional ndaj Rusisë nga çdo komb i mbështetur nga një fuqi bërthamore, mund të nxisë një përgjigje bërthamore.