Ka ndërruar jetë në moshën 90 vjecare, një nga tre anëtarët e ekuipazhit të misionit të parë me njerëz në hënë, Apollo 11 më 1969. Astronauti amerikan, Michael Collins, humbi jetën pas një beteje të rëndë me sëmundjen e kancerit, - njofttuan familjarët e tij. “Ditët e fundit të jetës së tij ai i kaloi në paqe, me familjen e tij", u tha në njoftim. Collins kishte qëndruar në modulin komandues të Apollo 11 në orbitën hënore ndërsa kolegët e tij, Neil Armstrong dhe Buzz Aldrin ecnin në Hënë. Ai shpesh është përshkruar si astronaut i tretë dhe "i harruar" në misionin historik, por Collins qëndroi vetëm për më shumë se 21 orë derisa dy kolegët e tij u kthyen në modulin e Apollo 11. Collins lindi në Romë më 31 Tetor 1930. Ai ndoqi Akademinë Ushtarake Amerikane në Ëest Point, Nju Jork, duke u diplomuar më 1952. Aldrin, 91 vjeç, është tashmë i vetmi anëtar i mbijetuar i misionit. Pamejt: AFP