Një ngjarje e rëndë është raportuar në Durrës, ku një 29 vjeçare ka ndërruar jetë vetëm 5 ditë pas lindjes së fëmijës së saj të dytë. Bëhet fjalë për shtetasen Ardita Hersi, e cila ndërroi jetë në rrethana ende të paqarta, vetëm 24 orë pasi kishte dalë nga materniteti i Durrësit. Të afërmit thanë se, e reja ndërroi jetë të hënën pasdite. Teksa ishte duke pirë ujë, ra pa ndjenja në dysheme. Të afërmit që hapën dyert e mortit akuzuan mjektët, ndërsa për të zbardhur vdekjen e papritur të 29-vjeçares, kanë bërë një denoncim në polici dhe janë në pritje të rezultateve mjekoligjore. “E keni sjellë vonë, na thanë mjekët”, ka treguar një nga të afërmit e të ndjerës, ndërsa akuzon mjekët në lidhje me vdekjen. Edhe policia ka reaguar në lidhje me ngjarjen e rëndë, ku raporton se e reja erdhi në spital pa shenja jete dhe momentalisht ndodhet në morgun e spitalit, për tju nënshtruar një ekspertize mjekoligjore më të specializuar. Ndërkohë, materialet hetimore i kanë kaluar Prokurorisë së Rrethit Gjyqësor Durrës për veprime të mëtejshme në lidhje me zbardhjen e plotë të ngjarjes.