Boris Johnson më në fund e ka pranuar se ai ka gjashtë fëmijë, një pyetje kjo që më herët kishte kaluar pa përgjigje në shumë intervista dhe konferenca për shtyp. Kryeministri britanik, duke folur për Today Shoë në NBC, në prapaskenat e asamblesë së përgjithshme të Kombeve të Bashkuara, u pyet nga një gazetar nëse ai kishte gjashtë fëmijë. Dhe përgjigjia e tij ishte e shkurtër dhe e prerë: Po! Numri i fëmijëve të Johnson ka qenë temë diskutimi në politikën britanike prej vitesh pasi një gjykatë angleze hoqi kufizimin që ndalonte organizatat e lajmeve të raportonin ekzistencën e një vajze si rezultat i një afere jashtë martesore. Johnson ka katër fëmijë me ish bashkëshorten Marina Ëheeler, një vajzë nga kjo aferë dhe një djalë me bashkëshorten aktuale, Carrie Johnson, me të cilën u martua më herët këtë vit. Johnson i tha NBC se ishte fantastike të kishe një bebe në numrin 10 në Doëning Street por se duhej po ashtu edhe shumë punë. “Por në mënyrë absolute, unë e adhuroj këtë”, shtoi ai – “unë ndërroj shumë pelena”. Në gusht, Carrie Johnson njoftoi në Instagram se cifti po priste një fëmijë të dytë dhe zbuloi se kishte patur edhe një abort më herët këtë vit. Djali i ciftit Uilfred, lindi në prill 2020, pak pasi johnson ishte shtruar në spital me simptoma covidi aq të forta sa që u trajtua në kujdes intensiv. Madje emri i ndërmjetëm i Uilfredit të vogël, është Nikolas, në nder të mjekut që kryeministri tha se i kishte shpëtuar jetën.