Përmes zyrës së lirisë për mediat, OSBE ka reaguar në lidhje me aksionin e autoriteteve ndaj Focus Media Group për lirimin e njërës prej godinave ku ushtron aktivitetin televizioni News24. OSBE thotë se situata që lidhet me ndërprerjen e papritur të aktivitetit mediatik të Focus Media Group në Shqipëri është shqetësuese. “Mosmarrëveshjet mbi pronësinë dhe biznesin, vijon reagimi, nuk duhet të çojnë në ndalimin e menjëhershëm të transmetimit mediatik. Sinjalet e transmetimit të Neës24 u ndërprenë një javë më parë, kur policia ndërhyri për të liruar godinën ku ushtron aktivitetin ky televizion. Sipas një vendimi të qeverisë, godina ka kaluar në pronësi të shoqërisë shtetërore për prodhimin e materialeve ushtarake KAYO. Autoritetet deklarojnë se procesi gjyqësor në lidhje me lirimin e këtyre hapësirave është përmbyllur, ndërsa gazetarët e Focus Media Group iu drejtuan gjykatës civile ku kërkuan rikthimin e sendeve personale dhe të punës, që janë marrë nga përfaqësues të policisë ushtarake.