Përfaqësuesit e Kosovës dhe Serbisë kanë shkëmbyer akuza dhe kundër akuza në seancën e së enjtes në Këshillin e Sigurimit të OKB-së, të zhvilluar në Nju Jork, ku u diskutua raporti I UNMIK-ut për Kosovën. Ministri I jashtëm I Kosovës Glauk Konjufca i bëri thirrje Serbisë para anëtarëve të OKB-së, që të pranojë realitetin dhe ta njohë Kosovën si shtet të pavarur. Ai tha se Kosova është e gatshme të normalizojë marrëdhëniet ndërshtetërore dhe fqinjësore, megjithatë pengesë ndaj paqes dhe normalizimit të marrëdhënieve mbetet Serbia. Sipas tij, shteti fqinj nuk është I interesuar t'i normalizojë marrëdhëniet me Kosovën e as të hyjë në BE. Ministri tha se Serbia vijon ndërhyrjen në zgjedhje dhe mbështetjen ndaj Listës Serbe. "Kosova nuk pret normalizim të marrëdhënieve me Serbinë pa llogaridhënie të qartë për sulmet në Banjskë dhe Ibër-Lepenc dhe garanci për ndalje të agresionit”, tha Konjufca.