Azerbajxhani bëri homazhe të dielën për pilotët dhe pasagjerët e avionit të pasagjerëve që u rrëzua në Kazakistan duke vrarë 38 persona pasi mbrojtja ajrore ruse ishte aktivizuar kundër dronëve ukrainas. Fluturimi J2-8243 u rrëzua të mërkurën pranë qytetit Aktau në Kazakistan, duke shpërthyer në flakë, pasi u devijua nga Rusia jugore ku dronët ukrainas po sulmonin disa qytete. Kapiteni Igor Kshnyakin dhe bashkë-piloti Alexander Kalyaninov, të dy rusë etnikë me nënshtetësi nga Azerbajxhani, si edhe Hokuma Aliyeva, stjuardesë, u nderuan në një ceremoni në Rrugicën e Nderit në qendër të kryeqytetit Baku, ku morën pjesë edhe presidenti Ilham Aliyev dhe bashkëshortja e tij. Pilotët janë lëvduar në Azerbajxhan për uljen e avionit në një mënyrë 29 persona të mbijetonin, pavarësisht se vetë ata nuk mundën të mbijetonin. Zyra presidenciale e Azerbajxhanit tha se pas incidentit, pilotët luftuan për të kontrolluar avionin dhe u përpoqën dëshpërimisht të gjenin një vend uljeje, ndërkohë që ka pikëpyetje për mbylljen e hapësirës ajrore të rusisë për avionin në telashe.