Shoqata e viktimave dhe dëshmitarëve të gjenocidit dhe shoqata “Lëvizja e nënave të Srebrenicës” u kanë dërguar një letër shumë organizatave ndërkombëtare, duke përfshirë NATO-n, EUFOR-in, dhe organizma të tjera në të cilën i janë referuar veprimeve të Serbisë në lidhje rezolutën për Srebrenicën. Në letrën e dërguar nga shoqatat, theksohet se presidenti serb, Aleksandar Vuçiç, pretendon se do ta kundërshtojë rezolutën me të gjitha forcat. “Duke pasur parasysh se presidenti serb pretendon se Serbia do ta kundërshtojë me të gjitha forcat rezolutën për gjenocidin në Srebrenicë dhe se “ai është krenar” për rezultatet e fushatës kundër pranimit të Kosovës në Këshillin e Evropës dhe rezolutën për Srebrenicën, duke lënë të kuptohet se miratimi i rezolutës për gjenocidin në Srebrenicë do të “hapë kutinë e Pandorës”...pyesim: Çfarë do të thotë hapja e “kutisë së Pandorës”, me armët e marra nga Rusia dhe Kina?"