Pas pushtimit rus të Ukrainës, disa vende të NATO kanë aktivizuar Nenin 4 në përgjigje të agresionit nga Moska. Estonia, Letonia, Lituania, Polonia dhe aleatë të tjerë ranë dakord të zhvillonin konsultime sipas këtij neni të NATO-s të enjten, duke iu druajtur një kërcënimi të drejtpërdrejtë ushtarak për vendet e tyre. "Agresioni i përhapur i Rusisë është një kërcënim për të gjithë botën dhe për të gjitha vendet e NATO-s, dhe konsultimet e NATO-s për forcimin e sigurisë së aleatëve duhet të iniciohen për të siguruar mbrojtjen e aleatëve të NATO-s”,tha qeveria estoneze në një deklaratë. Vendi kufizohet me Bjellorusinë, ku janë vendosur trupat ruse. Ashtu si Lituania, Letonia, Polonia, Sllovakia, Hungaria dhe Rumania, shteti baltik është pjesë e "krahut lindor" të NATO-s, i cili aktualisht po përforcohet me ushtarë amerikanë, britanikë dhe gjermanë.