Policia e Durrësit vuri në pranga këtë të dielë një tjetër person që dyshohet se organizoi futjen kontrabandë të 670 mijë litrave naftë në vend, përmes portit të Durrësit. Në 12 janar, në një anije e cila vinte nga Tunizia, policia kufitare e portit Durrës konstatoi sasinë e madhe të naftës, ndërsa për këtë episod deri më tani janë arrestuar 3 persona, po hetohen 5 të tjerë, të gjithë pjesëtarë të ekuipazhit të anijes, ndërsa është shpallur në kërkim një shtetas. Këtë të dielë në vazhdën e operacionit të koduar Ari i zi, u vendos në pranga Eduart Skora 59 vjeç, banues në Durrës, që sipas policisë dyshohet se me një tjetër person i cili është shpallur në kërkim. kanë organizuar kontrabdandimin e sasisë së naftës, nëpërmjet fshehjes së saj në balastrat që shërbejnë për balancimin e mjetit lundrues.