Në këtë kohë pandemie, është bërë e domosdoshme marrëdhënia dhe komunikimi sa më i ngushtë me mjekun e familjes për t’u konsultuar dhe marrë zgjidhje, jo vetëm për simptomat e Covid-19, por edhe sëmundje të tjera. Për të lehtësuar komunikimin me mjekun e familjes, prej disa ditësh në e-Albania janë vene në dispozicion edhe dy shërbime të reja. Njëri prej tyre ka të bëjë me mundësinë e ndryshimi te mjekut te familjes, pa qenë nevoja të shkojë në qendrën shëndetësore. Këtë fakt e ka evidentuar në një postim në rrjetet sociale dhe ish ministri i Shëndetësisë, Ilir Beqaj. ‘Mjeku i familjes është çelësi për hyrjen në sistemin e kujdesit shëndetësor publik. Është edhe çelësi për të lëvizur nëpër hallkat e zinxhirit të këtij sistemi, shkruan Beqja. Për të lehtësuar komunikimin me mjekun e familjes, prej disa ditësh në e-Albania janë disponibël keto dy sherbime on line. Shërbimi i parë, i krijon kujtdo mundësinë të regjistrohet pranë mjekut të familjes nëse deri më sot nuk ka ende mjekun e vet të familjes. Shërbimi i dytë, i mundëson kujtdo që don të ndryshojë mjekun e tij të familjes ta bëjë këtë veprim on-line pa qenë nevoja të shkojë në qendrën shëndetësore, ka sqaruar ne postimin e tij, ish ministri i shendetesise Beqja.