Shërbimi i Inteligjencës izraelite, Mossad ka ndihmuar Greqinë të parandalonte një sulm të planifikuar terrorist në Athinë, me anë të hetimi të kryera dhe informacioneve të nxjerra. Autoritetet greke kanë bërë të ditur për mediat se dy burra me origjinë pakistaneze, ishin arrestuar pasi kishin planifikuar të hidhnin në erë sinagogën izraelite në Athinë. Autoritetet greke mundën t’i arrestojnë vetëm pak ditë përpara se të përfundonin planin e tyre dhe të lanin me gjak kryeqytetin e vendit. Mossad një gjëje të tillë i është referuar si një tjetër shembull nga Irani që përpiqet të shtojë terrorin kundër izraelitëve dhe hebrenjve jashtë shtetit, kudo që ndodhen. Dy pakistanezët janë arrestuar në Greqi për terrorizëm, ndërsa një person i tretë, i cili besohet se është jashtë shtetit grek, u akuzua në mungesë për vepra të ngjashme. Edhe në Turqi, në vitin 2022 iranianët planifikuan të rrëmbenin disa turistë dhe diplomat izraelitë në Stamboll, duke përfshirë ish-ambasadorin dhe gruan e tij.