Policia e Shtetit ka proceduar 20 persona, të cilët akuzohen se kanë tubuar në mënyrë të paligjshme si dhe kanë bllokuar lëvizjen e mjeteve në një takim electoral të mbajtur nga Partia Demokratike në Kavajë. Në tubim ishin mbledhur dhjetra persona, mbështetës dhe simpatizanë të Partisë Demokratike, por që kanë thyer kështu edhe masat që nuk lejojnë grumbullimet më shumë pjesëmarrës në këtë periudhë pandemie. Takimi ishte thirrur nga kreu i PD-së, Lulzim Basha. Ajo që u vu re nga pamjet e bëra publike ishte se shumë prej pjesëmarrësve ishin pa maskë dhe nuk respektonin distancimin social për parandalimin e përhapjes së koronavirusit. Kujtojmë se vetëm një ditë më parë, policia paralajmëroi se penalizimet dhe gjobat do të ishin të pashmangshme për të gjithë ata që nuk respektojnë masat kufizuese.