Policia e Sarandës ka zbardhur ngjarjen e ndodhur në orët e para të mëngjesit të së enjtes, ku disa persona morën peng me automjet Gentian Omerin. Në kuadër të operacionit të koduar “Pengmarrja”, në prangat e policisë u vendosën Pjeter Ndoj, Astrit Ndoj, Aleksander Ndoj dhe Anton Ndoj, ndërsa u shpall në kërkim Alfred Ndoji. Këta persona në bashkëpunim me njëri tjetrin, përplasën automjetin e Gentian Omerit e më pas e rrëmbyen dhe e mbajtën peng atë në auomjetin e tyre. Policia e Sarandës mori informacione se një person ishte në rrezik, pasi disa të tjerë po e ndiqnin atë më automjet nga pas. Autorët e ngjares, e plagosën 39 vjecarin me sende të forta dhe më pas e lanë pa ndjenja në rrugë, konkretisht në fshatin Xarrë. Omeri u gjet nga shërbimet e policisë dhe më pas u transportua me ambulancë në spital për të marrë ndihmë mjekësore.