Parlamenti i Malit të Zi miratoi një rezolutë që ndalon mohimin e genocidit të Srebrenicës si dhe shkarkoi ministrin e Drejtësisë, të Drejtave të Njeriut dhe Pakicave, Vladimir Leposavic i cili vetem pak kohe me pare mohoi publikisht që dicka e tille të ndodhur vertet. Ky qëndrim nxiti kritika jo vetem brenda Malit të Zi, por edhe nga BE-ja e Shtetet e Bashkuara. Propozimi për shkarkimin e ministrit erdhi nga shefi i ekzekutivit, Zdravko Krivokapic e u mbështe dhe nga Partia Demokratike e Socialistëve e presidentit Millo Gjukanovic, tashmë në opozitë. Rezoluta e miratuar së fundi dënon deklaratat, veprimet dhe politikat që mohojnë ose vënë në dyshimkete genocid dhe shpall 11 korrikun si Ditën e Përkujtimit për viktimat e Srebrenicës. Permes saj, Mali i Zi konfirmon vendosmërinë e tij për të parandaluar krime të tjera të rënda në të ardhmen. Masakra e 1995-sës në Srebrenicë, ku forcat serbe ekzekutuan rreth 8.000 burra e djem myslimane, përbën një prej mizorive më të mëdha ne Europë pas Luftës së Dytë Botërore. Pro shkarkimit të Leposavicit votuan 43 deputetë ndërsa 27 ishin kundër. Më 26 mars, Leposavic ngjalli reagime te ashpra me deklaraten e tij perpara ligjvënesve se është i gatshëm të pranojë se në Srebrenicë ka pasur genocid “kur një gjë e tillë të vërtetohet pa dyshime”.