Me mijëra luftëtarë të huaj po i drejtohen qytetit libjan të Sirtes. Autokolona të tëra kaluan të djelën përmes qytetit Ajdabiya, të ndodhur pranë Benghazit, e po shkojnë fortesës së njohur libjane. Në mesin e tyre ka mercenarë nga Sudani e Cadi, si edhe me shumë se 3000 forca ruse, thotë Al Xhazira. Ata po shkojnë në ndihmë të komandanti ushtarak Khalifa Haftar, duke ngjallur reeagimin e qeverisë libjane të kryeministrit Fayez al-Sarraj, të njohur nga OKB-ja. Ky I fundit deklaroi se është I vendosur “ ti japë fund” pushtimit të qyteteve të Sirtes dhe Jufras. Sirte është vendlindja e ish diktatorit libjan, Muammar Gaddafi dhe konsiderohet vendbanimi i fundit I rëndësishëm përpara kufirit tradicional mes LIbisë perëndimore dhe asaj lindore. Forcat e Haftarit e pushtuan Sirten pa luftë në muajin janar pasi një prej milicive lokale libjane ndërroi krah. Përtej Sirtes gjendet aseti më I rëndësishëm strategjik I Haftarit, portet kryesore të eksportit të naftës. Al-Sarraj deklaroi së fundi se clirimi i këtij qyteti dhe atij të Jufras janë sot më urgjente se kurrë, e Haftari duket se po përgatitet për konfliktin duke dërguar përforëcime.