Incidentet në rrugë nuk kanë fund. Një tjetër aksident është shënuar pasditen e së enjtes në aksin rrugor Elbasan-Gjinar, në fshatin Shelcan. Si pasojë e këtij aksidenti kanë mbetur të plagosur pesë persona. Mësohet se ngjarja ka ndodhur aksidentalisht, ndërkohë që dyshohet se drejtuesi i automjetit me targa AA 506 MY ka lënë makinën e tij, tip fuoristradë, të ndaluar, pa frena dore. Për pasojë makina e pasiguruar mirë ka lëvizur dhe ka përfunduar disa metra më poshtë, në një arë, bashkë me njerëzit që kishte brenda.Të gjithë personat që ndodheshin në makinë kanë mbetur të lënduar dhe u dërguan në spital, ku pas ndihmës së marrë ndodhen jashtë rrezikut për jetën. Policia ka mbërritur në vendngjarje dhe ka kryer veprimet paraprake. Sipas njoftimit zyrtar të policisë drejtuesi i mjetit një shtetas 27 vjeç kishte zbritur për të marrë dicka në banesë dhe mjeti ka lëvizur nga vendi duke rrëshqitur.