Kryeministri grek Kyriakos Mitsotakis i është drejtuar parlamentit grek pwr cështje e shumëdiskutuar të vendimit të Athinës për t’u zgjeruar me 12 milje në detin Jon. “Greqia po rritet përsëri” deklaroi shefi I ekzekutivit përpara ligjvëvësnev. Ne rezervojmë të drejtën për të zgjeruar ujërat territoriale në Kretë dhe më gjerë, shtoi ai. Në mbrojtje të nismës së vet, Mitsotakis u shpreh se Greqia do të dyfishojë ujrat territorial në Detin Jon. “Për herë të parë që nga aneksimi i Dodekanezit në 1947, territori grek është zgjeruar me 10%, jo nga shkëputja e territoreve ose në mënyrë të barabartë nga vendet e tjera. Me procedura të bazuara plotësisht në Rregullat e së Drejtës Ndërkombëtare. Ajo u parapri nga hapi i parë për gjiret e mbyllura dhe përcaktimi i zones ekonomike ekskluzive. Sot në agimin e vitit 2021 ne hedhim hapin e dytë të madh. Vendi ynë shtrin dominimin e tij në Detin Jon në 12 milje. Unë kisha njoftuar zgjerimin e ujërave tona territoriale që nga gushti. 4 muaj më vonë detet tona dyfishohen. Një e drejtë plotësisht e përputhshme me të drejtën ndërkombëtare dhe vendin tonë mund të zgjerohet në zona të tjera dhe në Kretë dhe gjetkë, por në një kohë dhe mënyrë që ne do të zgjedhim,” ishte deklarata e fortë e Mitsoktakis. Kryeministri gtrek iu referua dhe cështjes së Shqipërisë. “Ministri i Jashtëm Grek ka bashkëpunuar me homologun e tij shqiptar dhe tani çdo mosmarrëveshje me Tiranën tani po drejtohet në një gjykatë ndërkombëtare. Vetëm kohët e fundit Kryeministri i Shqipërisë deklaroi në mënyrë të qartë dhe të qartë se shtrirja në 12 milje detare është një e drejtë e patjetërsueshme sovrane e Athinës, duke shtuar një argument tjetër në favor të pozicionit tonë se Mesdheu mund të kthehet në një det të paqes ", deklaroi kryeministri grek.