Një automjet ka dalë nga rruga në hyrje të Shëngjinit. Shkak i aksidentit dyshohet të jetë bërë shpejtësia dhe lagështia në rrugë, për shkak të reshjeve të dendura të shiut. Mësohet se automjeti tip Benz është përmbysur dhe është gjetur në ferrë në anë të rrugës, në rrugën e Shëngjinit pranë Knallës. Burime për Top News bëjnë me dije se personat që ndodheshin brenda automjetit e kanë braktisur atë dhe nuk kanë shkuar as në spital për të marrë ndihmë mjekësore. Grupi hetimor ndodhet në vendngjarje dhe po punon për identifikim e drejtuesit.