Kancelarja gjermane, Angela Merkel, tha të hënën se operacioni ushtarak në Afganistan, i udhëhequr nga SHBA-ja, ka arritur më pak rezultate sesa që ishte planifikuar. “Misioni arriti të ndalojë Al-Kaidën që të mos përsërisë sulmet e saj të 11 Shtatorit 2001 në Shtetet e Bashkuara, por gjithçka tjetër që ka pasuar nuk ka qenë aq e suksesshme dhe nuk është arritur në mënyrën që ne kishim planifikuar", u tha Merkel gazetarëve. "Është e tmerrshme për miliona afganë që kishin punuar për një shoqëri më të lirë dhe të cilët, me mbështetjen e komunitetit perëndimor, janë përqëndruar në demokracinë, në arsim, në të drejtat e grave", tha ajo. Sipas kancelares gjermane mësimet duhet të nxirren nga operacioni dy-dekadësh, duke shtuar se në misione të tillë mbase duhen vendosur qëllime më të vogla. Kreu i partisë së Merkelit, Armin Laschet, e kishte quajtur të hënën më herët operacionin në Afganistan si "deshtimin më të madh" në historinë e NATO-s. Talebanët deklaruan fitoren të dielën, pasi morën kontrollin e kryeqytetit, Kabulit, gati 2 dekada pasi përfundoi prezanca ushtarake të forcave të udhëhequra nga Shtetet e Bashkuara. Tashmë qeveria ka rënë, vendi është përfshirë nga kaosi dhe frika ndërsa edhe vet presidenti Ashraf Ghani është larguar nga terrotori I vendit.