Dronë kamikazë, dronë mbikqyrës, dronë bombardues...lloje të pafundmi mbushin qiellin ukrainas. Ata janë të lirë, vdekjeprurës dhe një ndër arsyet pse ukraina beson se mund t'i rezistojë forcave ruse që po avancojnë këtë vit. Ushtarët ukrainas e përshkruajnë korridorin e mbushur me dronë që mbulon rreth 10 km në secilën anë të vijës së kontaktit si "zona e vrasjes" sepse mjetet ajrore pa pilot (UAV) të drejtuar nga distanca, të vendosura nga të dyja palët, mund të dallojnë dhe neutralizojnë shpejt objektivat. Evolucioni i luftës në konfliktin më intensiv të dronëve që është parë ndonjëherë ka dobësuar aftësinë e Rusisë për të shfrytëzuar avantazhet e saj tradicionale në numrin e trupave, artilerinë dhe tanket, sipas dy komandantëve ukrainas të intervistuar nga Reuters. Çdo automjet i madh që vepron pranë frontit është një objektiv i dukshëm, që do të thotë se forcat ruse nuk mund të bëjnë më përparime të shpejta sic bënë në vitin 2022 me kolona automjetesh të blinduara, sipas komandantëve, si dhe themeluesit të OCHI-t, një sistem që centralizon transmetimet video nga mbi 15,000 ekipe ushtarake ukrainase të dronëve në vijat e frontit. "Armiku të sheh plotësisht," thotë Oleksandr Dmitriev i OCHI-t. "Pavarësisht se ku shkon ose çfarë po nget."