Presidenti i vendit Ilir Meta ka vizituar Selenicën ku në një takim me banorët e zonës ka dhënë edhe mesazhe politike. sipas kreut te shtetit Selenica edhe pse është një zonë me pasuri natyrore, është braktisur dhe është lënë në mjerim. Ai i bëri thirrje qautoritetetve të vënë në jetë projektn për ndërtimin e rrugës së dhe të mos penalizojnë më tej banorët me arrogancën dhe korupsionin. “Mezi kisha pritur të vizitoja Selenicën, këtë qytet me pasuri natyrore të jashtëzakonshme, por të braktisur prej vitesh në mjerim e vuajtje, për të biseduar hapur, sy më sy, me kërkesë të tyre, me banorët e mrekullueshëm të saj. Më njohën me problemet e shumta të përditshmërisë së tyre, nga mungesa e vendeve të punës, investimeve dhe shfrytëzimi pa kriter i tokave bujqësore nga biznesmenë të lidhur me pushtetin. Të gjithë ishin njëzëri në kërkesën kryesore, ndërtimin e rrugës. I informova për të gjitha përpjekjet e mia të palodhura për ndërtimin pa vonesa të saj dhe për të mos lejuar më talljen me Selenicën, duke i garantuar se përherë do të jem në krahun e tyre. Rruga e Selenicës të ndërtohet menjëherë dhe banorët e kësaj zone të mos penalizohen më nga arroganca, braktisja dhe korrupsioni”, thuhet në postimin e Metës.