Seanca e parë në procesin e divorcit mes Ilir Metës dhe Monika Kryemadhit në gjykatën e Tiranës ka dështuar. Sipas ligjit në këtë seancë do të bëhej thirrja e fundit ndaj çiftit për të ndryshuar mendje dhe për të mos u ndarë dhe prania fizike e Ilir Metës dhe Monika Kryemadhit ishte e domosdoshme. Ilir Meta, që ndodhet në arrest me burg, nuk kërkoi leje dhe shoqërimin nga policia për të qenë pjesë në seancë dhe vuri në dijeni gjykatën se do të përfaqësohej nga avokati i tij, Genc Gjokutaj. Ky i fundit ishte i vetmi që u paraqit, pasi Monika Kryemadhi nuk ishte as vetë dhe as e përfaqësuar nga avokati. Gjykata vendosi të ripërsërisë kërkesat për të qenë të pranishëm si për Ilir Metën, ashtu edhe për Monika Kryemadhin. Seanca e radhës e pajtimit do të mbahet në datë 11 prill. Ilir Meta kërkoi divorcing në qershor të vitit 2024 me arsyetimin se grindjet politike mes tyre kanë cenuar në mënyrë të pariparueshme marrëdhënien martesore.